Healthy Nail Salons

Tratuhin nang mabuti ang sarili. Pati na rin ang inyong manikurista. 

Dahil nagtataglay ang mga pangkuko na produkto ng mga sangkap na mapanganib sa kalusugan ng tao, kailangang maghanap kayo lagi ng logo na Healthy Nail Salon (Salon na Mabuti para sa Kalusugan ng mga Kuko) kapag pumipili kayo ng salon. Gumagamit ang sertipikadong Healthy Nail Salons ng mas ligtas na mga produkto, mas ligtas ang karaniwang gawain, at mas mahusay ang bentilasyon, kung kaya’t makahihinga kayo nang maluwag dahil alam ninyong mas mabuti ang mga ito para sa inyong kalusugan, sa mga empleyado, at sa planeta. At magandang bagay iyan.

Maghanap ng Healthy Nail Salon na malapit sa inyo!

Kinikilala bilang Healthy Nail Salons ng Departamento para sa Kapaligiran (Environment Department) ng San Francisco ang sumusunod na mga nail salon. Kung wala kayong makitang sticker ng Healthy Nail Salon sticker sa bintana ng inyong paboritong salon, pakibahagi ang nakatutulong na impormasyong ito sa manager.  
 

Listahan ng Healthy Nail Salons sa San Francisco

Hindi ba Ninyo Nakikita ang Inyong Paboritong Salon?

Kung hindi pa Healthy Nail Salon ang inyong nail salon, tiyakin na matatanong ninyo ang manager ng salon kung alam nila ang tungkol sa Programang Healthy Nail Salon at ang mga pakinabang nito sa kanilang mga kawani, kostumer, at sa kapaligiran. Irekomenda sa kanila ang internet page na ito upang malaman pa ang tungkol sa libreng programa na ito. 

Tungkol sa Programang Healthy Nail Salon 

Mayroong 250 salon sa San Francisco na nag-eempleyo ng mahigit 2,200 technician, na karamihan ay babaeng nasa edad na nakapagsisilang ng bata. Nalalantad ang mga nagtatrabaho sa nail salon sa nakalalasong kemikal na nasa polish at iba pang produkto, at naiugnay na sa kanser, kapansanan ng bata sa kapanganakan, at pagkakalaglag ng bata. Layunin ng Healthy Nail Salon Program ng San Francisco na biyayaan ang mga nail salon na gumagawa ng mas ligtas na mga pagpapasya para sa kanilang mga empleyado, kostumer, at para sa kapaligiran. 

Inilunsad ang programang Healthy Nail Salon noong unang bahagi ng 2012, at isa itong libreng programa na bukas para sa lahat ng nail salon sa San Francisco. Nakikipagtrabaho na ang Departamento para sa Kapaligiran ng San Francisco sa rehistradong mga salon upang matulungan ang mga ito sa pagkompleto ng pangkaligtasang mga hakbang na kinakailangan upang maging sertipikado sa ilalim ng programa. 

Upang mabawasan ang pagkakalantad sa mga kemikal na ito, itinatakda ng programang Healthy Nail Salon na dumaan ang mga salon sa mahigpit na listahan ng pangkaligtasang mga hakbang, kasama na ang: 

• Paggamit ng guwantes ng lahat ng technician

• Pagkakabit ng lokalisadong bentilasyon 

• Pagsasanay para sa lahat ng empleyado 

• Paggamit ng mas ligtas na mga pangkuko na produkto 

Upang mamukod-tangi mula sa iba pang salon, tatanggal ang mga Healthy Nail Salon ng plake, decal para sa bintana at mga sertipiko para sa lahat ng empleyado. Nakalista rin ang mga salon sa website ng SF Environment, mga newsletter, at sa social media. 

Upang malaman pa ang tungkol sa programa, o upang makahiling ng konsultasyon, tumawag sa 415-355-3700

Mga mapagkukunan ng tulong at impormasyon ng mga Nail Salon sa labas ng San Francisco

Maghanap ng Healthy Nail Salon sa labas ng San Francisco

Lumikha ng programa sa inyong lungsod o county

Tingnan ang mga gabay sa programa ng Departamento ng California para sa Pagkontrol sa Nakalalasong mga Sangkap (CA Department of Toxic Substances Control)